好耐無打過xg
好耐無咁唔開心過
好耐無咁愁過
好耐無咁不安過
好耐無不滿呢樣不滿o個樣
好耐無自由過
好耐無做過自己鍾意做o既野
好耐無正正經經同屋企人食過一餐飯
好耐無認認真真同屋企人傾過偈
好耐無讀過書溫過習
好耐無好好地咁訓過 從未試過好似依家咁瘦
瘦到兩邊面頰內凹
就黎好似成碌竹咁
高聳入雲 我o既適應能力實在太慢
或者話我太遲鈍
成年幾時間仲未適應大學生活同節奏
好多事情唔到死線唔想做
今年好o個丁屎
逢係group o既功課都會早少少做
唔想累埋人
但係唔知做乜反而自己D功課同學習進度就唔多點理 account已經retake緊，仲係懵盛盛
international trade唔知條友做緊乜但係個個都好似知咁
quantitative method in business "個個都話唔識" 但係又再一次印證個個都好高分得我低分
organizational behavior又係，好多人扮豬食老虎
mkt 看似有趣，實際好深
eng writing大家程度差唔多
pth仍然俾我屈機中，但屈機程度已大不如前 或者
係我心入面根本無一刻係燃起過一團奮鬥o既火焰
我曾經o係中學o既時候同自己講過
假如我有幸俾自己入到大學
我會發奮讀書爭取好成績等第時出黎搵到份好工
報答老豆老母又好，自己養妻活兒又好
點都好過撈偏或者食穀種或者廿幾歲仔就等住拎綜緩呃飯食 但年幾過去左
我仍然係好似小學中學咁
戇下戇下一舊雲咁
一味仲係靠自己D狗屎運o係度度日如年
假如有一日真係俾我D狗屎運用哂
我究竟會點
從小就已經唔駛點樣付出好多勞力努力就已經有一D回報
雖然呢樣野去到ALEVEL已經極少出現
但去到year1 o既大一國文甚至PRC等吹水科
我D吹水神功竟然派上用場
其實我係咪真係應該讀中文系好過讀BBA
自己讀商讀到乜都一pat屎咁 究竟我第時出黎究竟想撈乜野
我到呢一刻都仲未知道
依家每一日上堂都唔知自己學乜野
放左學就去補習
補個懶到出汁又唔肯做功課o既細屎忽鬼
一個連呀"女麻"都可以無視o既細屎忽鬼
日日on fire
打又唔打得
鬧又唔襟我鬧
睇住佢牙斬斬咀gel gel o既表情真係好想兜巴車落去附加一句 "仆街啦你"
獲獲做功課就黎眼訓
一係就諸多推搪諸多藉口唔做呢樣唔做o個樣
到左死頭臨頭做哂所有野迫住做唔想做o既野o既時候就扮死狗或者發老脾擺款
小二都可以咁樣你唔死有咩野用？
仲叫人唔好俾書你讀
日日好似平時咁食、訓、玩？
你唔讀書仲指意屋企人送錢俾你燒？
老奉架？
我成日同你仲有你大佬話幸福唔係必然
你兩條茂里仲可以話幸福係必然
係咪未試過折墮？ 日日補完習番屋企都8,9點幾
食埋野開始做野都9點幾10點
書都無時間溫
次次去到星期六日就係訓覺o既時候
想俾自己relax下但偏偏又有project同assignment做
再唔係就俾班無記性o既車隊fd煩住成日約我出去
次次話左幾時至幾時唔好約我出黎玩但總係三日唔埋兩日就一個sms或者一個電話打黎叫我出黎
一係就明知我要補習但係補習時間都仲可以打俾我好似當我真係好似佢地咁得閒咁 錢為你而燒
時間為你而逝
我所餘為何？
我所得為何？ 我為緊咩野而存活？
為左呢D疲於奔命而且又無意義o既重複式生活？
日日如是
有咩意義？ 我仍然未睇到我第時想行o既係咩野路
我知道唔會無啦啦有條路發光等我行
我好驚我第時一行出第一步o既時候就已經係步出懸崖直掉下山氣絕身亡 o係今年
至少我見到唔多戴假面具o既人
或者有，但係我無識到
事但、隨便、唔關我事
要假假飽佢
反正唔會有想識你o既意欲
話之你外貌有幾天姿國色、傾國傾城，有幾才高八斗、精通文韜武略、上通天文下達地理
但為人仆街o既話
乜都係死 久違左o既千字文萬歲 | 